كيفية تدريب الطفل علي تكوين جملة من كلمتين

 السلام عليكم ورحمة الله وبركاته 

اذا كانت لديك مشكلة في تدريب طفلك علي تكوين الجملة (تكوين جملة من كلمتين) فهذا الموضوع مهم جدا لك ولو اتبعت الخطوات والطرق التي سنتناولها سوف تجد تحسن في حالة طفلك ولغته باذن الله.

عادة ما تشتكي الكثير من الأسر من أن الطفل ينتج كلمات مفردة  بشكل مقبول ولكنه غير قادر علي ربطها او تكوين جمله علي الرغم من أن الطفل عمره أكثر من سنتين أو تشتكي من أن  الطفل لا يستخدم الأفعال مثلا في حديثة بمعني انه غير قادر علي أن يقول مثلا ( أشرب ميه / أكل تفاحه /   أكل موزه / أركب عجلة / ألعب كوره ) او غير قادر علي التعبير عن احتياجاته الأساسية علي سبيل المثال ( عاوز اشرب / عاوز اكل / عاوز العب / عاوز بابا / عايز ماما / ماما اكل / ماما حمام / ماما اشرب / ماما البس / ماما اجري ) او حتي التعبير عن  مشاعرة فمثلا لا توجد لديه القدرة علي قول مثل هذه الجمل ( ماما زعلان / ماما مبسوط )، فنجد أن هذا الطفل ينطق بعض الكلمات مثل ( تفاحة / موزة / برتقالة / عنب / خيار / طماطم / فلفل / كلب /  قطة / خروف / بقرة / حصان / كرسي / كنبة / سرير / ملعقة / شوكة / طبق / باب / دولاب / احمر / أخضر / أصفر /   أزرق ) بمعني اننا نجد أن الطفل لدية حصيلة لغوية مقبولة أو جيدة كمان أن الحصيله اللغوية لديه تؤهله لانتاج جملة مكونة من كلمتين ولكنه غير قادر علي ذلك والسؤال هنا هل توجد طرق فعالة لتدريب الطفل علي تكوين جملة من كلمتين ؟  

والإجابة نعم توجد أكثر من طريقة ولها نتائج مبهرة وسنتناولها في هذا الموضوع باذن الله ونتمني أن تأتي بالتحسن لأطفالنا جميعا.

في البداية يجب أن نؤكد أن الطرق التي سنتناولها يمكن استخدامها مع الأطفال اذا كانت لديهم حصيلة لغوية أولا لا تقل عن 15 كلمة سليمة

واذا تأكدت من أن طفلك لدية أكثر من 15 كلمة سليمة لغويا فعليك باتباع الطرق التالية : 

الطريقة الأولي : 

وهي تدريب الطفل علي الأفعال : 

وهنا نبدأ بتدريب الطفل علي الأفعال من خلال كروت الأفعال فنقوم بعرض الصورة علي الطفل ونسأله في ايه في الصورة ؟ ( بنت بتااااااكل    /   ولد بيشرب   / ولد نايم / ولد قاعد / ولد بيجري / ولد بينط / بنت بتكتب / بنت بتلون / بنت بترسم ) وهكذا 

اذا وجدت صعوبة في تطبيق هذه الطريق فيمكن اتباع طريقة التصفيق فمثلا عند تدريب الطفل علي ( بنت بتاكل ) هبدأ بنطق كلمة ( بنت ) مع التصفيق ثم يقلدني الطفل بعدها أقوم بنطق الفعل ( بتاكل ) مع التصفيق ويقوم الطفل بتقليدي أيضا.

أو يمكنك اتباع طريقة التخبيط فمثلا عند تدريب الطفل  علي ( ولد بيجري ) هبدأ بنطق كلمة ( ولد ) مع التخبيط ( أخبط خبطة علي الترابيذة او المكتب ) ثم يقلدني الطفل بعدها أقوم بنطق الفعل ( بيجري ) مع التخبيط ويقوم الطفل بتقليدي أيضا.

 الطريقة الثانية : 

في حال لم تجدي الطريقة الأولي نفعا مع طفلك فعليك باتباع الآتي : 

قم بتصوير طفلك أثناء تناوله الطعام والشراب بمعني اذا وجدت طفلك جالسا لتناول طعامه قم بتصويره أكتر من صورة وقم بتصوير مقطع فيديو صغير له أثناء تناول الطعام أو تناول عصير أو أثناء نومه.

وكما نعلم أن الطفل يحب الصور ويحيب أن يشاهد صورة فكل ما عليك هو ان تقوم بعرض الصور علي الطفل وتكوين جملة من كلمتين لتصف بها ما يفعله طفلك في كل صورة وسيساعدك ذلك بشكل كبير ي تطور طفلك لأنه كما ذكرت أن الطفل سيحب مشاهدة صوره او مقاطع الفيديو الخاصة به .


الطريقة الثالثة : 

وهنا سنقوم بتدريب الطفل بشكل مختلف فكما ذكرت مسبقا أن الطفل الذي نقوم بتدريبه الأن هو طفل لديه حصيلة لغوية لا تقل عن 15 كلمة 
كل ما عليك هو ان تضع صورتين أو ثلاث صور  للمجموعات الضمنية البسيطة فمثلا ستض صورة ( موز ) و صورة ( تفاح ) و صورة ( عنب ) علي المكتب او المنضدة وتقوم بنطق الثلاث صور ((( موز تفاح عنب ))) وتكرر ذلك أكثر من مرة وهنا ستجد أن  الطفل يحاول تقليدك وبمجرد من أن ينطق أسماء الثلاثة صور أو يسمي الثلاث صور ستقوم بتكرار التدريب ولكن ستقوم بالتسمية بشكل أسرع فأسرع 

والهدف هنا هو تدريب الطفل علي تسمية الثلاث صور بشكل سريع حتي يدرك فكرة الجملة او تكوين الجمله او تتالي الكلمات ومن هنا سسحدث للطفل تعزيز ذاتي بمعني انه سيشعر بالانجاز خاصة انه عندما ينطق ال 3 كلمات او يقوم بتسمية الثلاث صور سأقوم أنا بالتصفيق والتشجيع والمدح حتي يشعر بان ما فعله نال اعجابي أو انه انجز الهدف المطلوب منه والمراد تحقيقه 
ثم بعد ذلك اقوم بتدريبه علي ما سبق 

ومن الممكن أيضا أن نقوم بتدريب الطفل لي تكوين جملة من كلمتين من خلال صور المجموعات الضمنية البسيطة بمعني : 

في البداية يتم التأكد من ان الطفل يستطيع تسمية مجموعة صور علي سبيل المثال مثلا يستطيع تسمية ( موزه / تفاحة / عنب / عربية / عجلة ) 

بعد ذلك يتم تدريبه علي تكوين جملة من كلمتين علي هذه الحصيلة فمثلا نقوم بتدريبه علي ( أكل موزه / أكل تفاحة / تفاحة حمرا / أركب عربية / عربيه حمرا / أركب عجلة ) الخ 

كل هذه الطرق سوف تفيد الطفل وتساعد في تدريبه علي تكوين جملة من كلمتين .

وعند تدريب الطفل علي تكوين جملة من كلمتين يجب تدريبة أيضا علي تنفيذ أوامر برداية من الأوامر البسيطة الي أوامر من فعلين .. الخ 


 ولكن اذا كان طفلك لا ينتج كلمات بسيطة او لا توجد لديه مفردات او حصيلة لغوية فعليك باتباع الخطوات التالية

في البداية يجب أن نتاكد ان الطفل معندوش مشكلة في السمع وهنا لازم اوضح ان مش معني ان الطفل بيسمعك او بيسمع الاب انه معندوش مشكلة في السمع ممكن يكون بيسمعك لما بتتكلمي معاه بصوت عالي او وانتي قريبه منه فقط يعني السمع زي البصر يعني الطفل ممكن يبقي بيشوف بس نظره ضعيف فا هيحتاج يلبس نضارة مثلا وكذلك السمع يعني ممكن يبقي بيسمع بس سمعه ضعيف او بينتبه لأاصوات العالية بس او الأصوات القريبه منه فقط ومبينتبهش للصوت لو واطي أو منخفض او لو الصوت أو مصدر الصوت بعيد عنه مثلا وبعد كده او تاني حاجه لازم اتأكد ان الطفل او ان طفلي يفهم الأوامر البسيطة بمعني ( لما اقوله هات الموزه يروح يجيبها أو لما أقوله اطفي النور يبص علي مفتاح الاضاءة أو يحاول يوصله او يروح يجيب كرسي يقف عليه ويحاول يومصل لمفتاح الاضاءة أو لما أقوله أمر بسيط زي اني أقوله مثلا خد الموزه يمد ايده ويمسك الموزه أو لما أقوله هات التفاحه يروح يجيبها ويديهالي ف ايدي أو لما أقوله ارمي الكورة يرميها او لما اقوله هات الكوبايه يجيبها او يحاول يجيبها او لو طلبت منه يدرو علي حذاءه يروح يدور عليه ويجيبه ويجي فا ابدأ الاحظ الطفل واشوف هل هو بيفهم الاوامر البسيطة اللي بطلب منه ينفذها ولا مش فاهمني طيب لو لقيت ان الطفل مش فاهم الأوامر البسيطة ولا بيستجيب للنداء باسمه أبدأ اديله اوامر كتير واساعده في تنفيذها وابدأ اناديه ب اسمه طول الوقت واُناء التدريب يعني لو بشتغل معاه عالاوامر البسيطه فا هبدأ اقوله خد الموزه يا أحمد أو احمد خد الموزه أحمد شوط الكورة احمد هات التفاحه وأناديه ب اسمه كتير واكرر الأوامر كتير وأشتغل معاه شغل مكثف علشان أقدر اوصل لنتايج جيده ف اقصر وقت 

الخطوة التانيه اني لازم  اخلق دافع عند الطفل ده بمعني انه لما يشاور علي حاجه منفذش طلبه او مساعدهوش يعني بنلاحظ ان في أمهات كتير اول ما الطفل يشاور علي لعبه مثلا تقوم هي تجيبها يشاور علي الأكل تقوم تأكله او يشاور علي مياه تقوم تشربه طيب لو انا استمريت علي ده والطفل لاحظ ان كل طلباته بتتنفذ لما بيشاور ايد الدافع او ايه اللي هيخليه يحاول يتكلم اصلا لما هو كل طلباته  مجابه من غير كام او من غير ما ينطق فانا لازم اخلق الدافع عند الطفل فا لما يشاور علي حاجه ابدأ اقول اسمها واكرر اكتر من مره وافضل اعيد وازيد اكتر من مره وابدأ اتبع الخطوات دي لحد ما الطفل يبقي مجبر انه يتكلم او يصدر مقطع صوتي يدل علي الحاجه اللي هو عاوزها او بيشاور عليها وممكن برضو ابدا اديله اختيارات يعني لو انا حاطط فواكه ف طبق وهو بيشاور علي الموزه وانا متاكد انه عاوز الموزه فا ابدأ اساله انت عاوز موزه ولا تفاحه ؟ وافضل اكرر السؤال واغير في صيغة السؤال وطبعا اغير ف نبرة صوتي وابدا اتعامل مع الطفل بالطرق دي وان شاء الله الاقي انه بدأ يتحسن 

وطبعا مننساش اننا لازم ندرب الطفل علي تقليد أصوات الحيوانات لان دي خطوة مهمه جدا جدا أبدا اعرض عليه المجسمات وابدأ اقلد صوت كل حيوان والطفل يبدأ يقلدني وهكدزا واكرر اكتر من مره الكلب بيعمل ازاي ؟ هوهوهوهو القطة بتعمل ازاي نونو نونو ةهكذا وممكن في الخطوة دي نستعين بفيديوهات لتقليد أصوات الحيوانات واو نشتغل بالمجسمات ونقلد احنا الأصوات وفي المرحلة دي لما الطفل يصدر اي مقطع صوتي لازم ابدأ انا اقلده علشان لما ابدأ اشتغل انا معاه واطلب منه يقلد يكون فهم يعني ايه تقليد ويحاول يقلدني زي ما بقلده ونشتغل كمان علي التقليد الحركي بمعني اني اخبط عالترابيزه والطفل يخبط هو كمان او ان انا اسقف والطفل يسقف زيي وهكذا.

ومن الخطوات المهمه اني أبدأ اتكلم طول الوقت مع الطفل وانا بلبسه هدومه يلا عشان نلبس البنطلون يالا يا احمد ارفع ايدك علشان تلبس التي شيرت التي شيرت لونه أحمر واكرر اكتر من مره 

ولو انا بأكل الطفل أبدا اتكلم يالا يا أحمد علشان نأكل احمد بياكل ايه ؟ بطاطس أحمد بياكل ايه ؟ موزه وهكذا 

حتي لو الأم واقفه في المطبخ بتعمل سلطة مثلا تبدأ تتكلم مع الطفل وتقوله يالا نقطع الخيار يالا نقطع الطماطم خد طماطم خد جزر خد كذا كذا كذا .

نشتغل بالطرق دي وان شاء الله نلاحظ تحسن كبير وان شاء الله نوضح باقي طرق التدريب ف موضوع تاني 



Post a Comment

أحدث أقدم