التدليل الزائد عن الحد المألوف

 

 



التدليل الزائد عن الحد المألوف


أغلب الأمهات مبياخدوش بالهم انهم بيضروا أطفالهم ضرر غير مقصود وده بيحصل لما بندلع الطفل وبنهتم بيه اهتمام مبالغ فيه لو ابنك متدلع دلع زايد عن الحد المألوف تعالي نعرف ازاي الدلع هيأثر علي سلوكة وهيغيره للأسوأ طفلك هيتحول ل طفل ( أناني \ طماع \ عصبي \ سريع الغضب \ مغرور \ متمرد )

طب ده بيحصل ازاي ؟

الطفل متدلع وطول الوقت طلباته بتتنفذ وأحيانا لو عنده أخوات أكبر منه هنلاقي ان الطفل ده طلباته بتتحقق علي حساب إخواته

وفي نفس اولقت هنلاقي ان الطفل ده في الحضانه او في المدرسة بيضر زمايله وأصحابه وده بيحصل من خلال ان الأطفال بيقلدوا سلوك الطفل ده او ان الطفل ده عاوز من الحاجه اللي مع أصحابه فا بيبدأ يعيط لحد ما المدرس او المدرس يوافق علي طلبه او عاوز يقعد مكان صاحبه فا يبدا يعيط ويرمي نفسه ف الأرص لحد ما يلاقي استجابة من المدرس او المدرسة.

وهنا هنلاحظ أن الطفل ده أصبح طفل طماع أناني لا يشعر بالرضا ابدا طول الوقت بيطلب او بمعني اصح طلباته مبتخلصش وهنلاقي ان الأب والأم بعد فترة بدأوا يزهقوا من كثرة طلبات الطفل وعدم قدرتهم علي تلبية كل طلباته

لان كل ما سن الطفل بيكبر كل ما طلباته بتزيد وتكلفتها بتكون أكبر

بعد كده يبدأ الطفل يكون طماع عاوز حاجة اخواته واصحابه وحتي حاجة الأب و الأم

ومع الوقت هيبدأ الأب والأم يحاولوا يقوموا سلوك الطفل ده ولكن كل المحاولات ستبوء بالفشل ده غير ان الطفل هيبدأ يشوف ان طلباته مبتتحققش وهيفسر ده بإن حب الأب و ألأم للطفل قل عن الأول لانه هنا هيبقي في موقف محير ليه كل طلباتي كانت مجابة ودلوقتي بطلب ومفيش حاجه بتتحقق او بتتنفذ ؟

هل بابا وماما بطلوا يحبوني ؟

هل بابا وماما كانوا بيحبوني ودلوقتي بيحبوا اخواتي اكتر ؟

هل بابا بيكرهني عشان كده بيرفض طلباتي ؟

هل ماما مبتحبينيش زي الأول عشان كده بتقول لاء علي كل حاجه ؟

وهنا للأسف بيكون الأب والأم هما السبب في كل مشاكل الطفل وكل اللخبطة اللي حصلت في مفاهيمه

وعلشان كده دايما بنحذر من الدلع الزايد او التدليل الزائ عن الحد المألوف زي ما بنحذر من القسوة او الشدة الزائدة عن الحد المألوف

يعني لا الدلع اوي صح  ولا الشدة اوي صح

دايما التوسط او الموازنه بتكون أفضل للطفل نفسة ولمصلحتة

وده علشان نقدر نربي طفل سوي يقدر يتفاعل مع المجتمع ومع اصدقائة واقرانه بشكل سوي

 

 

Post a Comment

أحدث أقدم